風月論壇

 找回密碼
 立即註冊
搜索
熱搜: 活動 交友 discuz
查看: 440|回復: 0

我係一個讀緊法律系嘅學生

[複製鏈接]

該用戶從未簽到

發表於 2018-3-15 19:49:45 | 顯示全部樓層 |閱讀模式


1.
我係一個讀緊法律系嘅學生,讀到最尾嗰一年,我哋通常都要出去搵實習,實習半年之後返番學校。
搵實習係一場飢餓遊戲,唔係你死就我亡嘅大戰,乜嘢同窗之情,友誼乜乜乜乜,都可以抹晒佢。有實習唔代表你可以平步青雲,但冇實習就肯定只有死路一條。
今日我同我幾十個同學一齊去到mwc律師樓面試,mwc律師樓出名做房地產、訴訟遺產承辦同一般民事商業事務,係行內一間幾有信譽嘅律師樓,而且規模大,規模大即係多生意,多生意即係有機會有啲細野比實習生做。所以我哋一行十幾人全部戰鬥格咁上到去mwc律師樓。
2.
mwc律師樓喺中環德輔道中141號中保集團大廈,一入到去已經有好多其他大學嘅學生喺度等緊面試,仲有幾個外籍學生,我探頭睇睇入邊,面試嘅竟然係mwc律師樓其中幾個主要嘅律師,我心諗,今次仆街啦,律師會親自出嚟揀見習生,即係代表佢好想有人跟住佢,自己親自揀徒弟啊。通常呢啲面試都會好刁鑽,考下你究竟有幾多實力,同睇吓你真正嘅意向,究竟係想做一個民事訴訟嘅律師,定係刑事等等,有時候當下嘅依個決定,就好影響你之後嘅職業生涯,所以一定要坦白。
3.
雖然冇實習係會好慘,但如果揀咗一條唔係你自己想行嘅路,會仲慘,不過我哋上得mwc律師樓,都好清楚佢係一間做開民事商業事務嘅律師樓,所以基本上全部都做足晒功課。
我自己都係依方面花咗唔少功夫,畢竟mwc律師樓都算叫做係我最後希望,我個樣生得唔醒目,咩都普普通通,細細個就成日俾人笑我淨係識得睇書。
眼見一個又一個同學入咗去,個個都唔同樣出返嚟,有啲就充滿自信,有啲就一副「都係要再搵過實習」嘅嘴臉。我完全估唔到mwc律師樓究竟想要一個乜嘢嘅實習生。
4.「陳健康,到你啦入嚟啦。」
我經過一個又一個嘅同學,好似摩西分紅海咁,但我feel到佢哋對我嘅眼神係充滿着不屑,覺得依咁嘅人都係佢哋對手?但我今日臨出門口時,我媽咪同我講,「仔,唔好理人點睇,你有你自己嘅路行,你專心咁行就可以。」
我入到房,幾個mwc律師樓嘅主要律師全部坐晒係我面前,有個睇落去好惡嘅麥律師,有個肥嘅,睇落去好祥和嘅張律師,仲有個目無表情嘅吳律師。
我做咗一啲好簡單嘅自我介紹之後,佢哋就開始問一啲深入嘅問題。
5.
「如果你接到一個個案,你會着優先考慮乜嘢,而展開民事訴訟?」
不愧係mwc依一類型資深嘅律師樓,基本上,展開一個民事訴訟可以有一百個理由,同時亦都可以有一百個理由唔展開,但最優先考慮乜嘢,係好反映到你為人做事嘅立場同公司符唔符合。
標準、正確嘅答案未必係公司想要嘅,因為公司嘅立場可以係想搵多啲生意,乜嘢job都會接;但太過顧及利益,有可能會影響公司聲譽。
我衡量mwc係一間資深嘅律師行,比起生意應該更加着重幫唔幫到客人,我決定回答「我會考慮自己係唔係有充分嘅法律理據提出訴訟,對方又可唔可以喺同一件案件反過來起訴我。」
6.
佢哋全部人都冇出聲,係唔係我答得太差、太普通?
「但⋯⋯但係,喺2010年開始,政府就所有民事訴訟,都會建議雙方先試調解
,調解唔成功先繼續法律程序。」
最祥和嘅張律師微微點頭,其他兩位就冇出聲。張律師問我「點解你想入嚟mwc?我哋mwc律師樓,雖然係好資深嘅律師行,但負責嘅案件相對重複同沉悶,好多法律系學生一出嚟都想做刑事律師,貪佢夠刺激,好似睇緊壹號皇庭咁。」
聽到呢句,原本冇表情嘅吳律師,竟然笑咗出嚟,「你做歐陽震華呀?」
7.
「我想做一個民事律師,係因為如果個個都想好似壹號皇庭咁,咁就冇人去幫一啲需要民事訴訟嘅人。係,民事訴訟係會好悶,好繁複。但其實,你生活上嘅小節方便人哋一把,我認為咁樣係更加接近我做律師嘅理念。」
吳律師:「如果你入到黎我地mwc律師樓, 咁你一定可以好接近到你嘅理念」
估唔到吳律師份人都幾幽默,佢哋之後再問左我幾個個案問題,我唔知道我嘅答案令到佢哋滿唔滿意,但我個心一直喺度諗,如果入到mwc律師樓做實習生,咁就好啦。
8.
我一直等一直等,等左兩個禮拜,都收唔到mwc律師樓通知,心諗要放棄嘅時候,電話就來啦。
電話:「喂,係咪陳先生啊?」
我:「我係我係。」
電話:「呢度係mwc律師樓呀。你上個星期你面試,幾位律師都對你好滿意,你幾時有時間上嚟簽約做實習生啊?」
聽到果下我直頭唔識反應,mwc律師樓竟然請我,我真係開心到成個跳起。
電話:「陳先生?」
我:「好……好,我幾時都有時間!」
就係咁,我成為咗mwc律師樓嘅實習生,我半年嘅實習生涯,就咁就開始啦。
第一日返工,我都冇諗過會跟到任何一個律師學嘢,我已經預咗有做吓打雜,買下外賣,幫人碎下紙咁嘅覺悟。但係冇,我唔單止冇嘢做,直頭係冇人理我。


回復

使用道具 舉報

您需要登錄後才可以回帖 登錄 | 立即註冊

本版積分規則

小黑屋|手機版|Archiver|只談風花雪月的論壇  

GMT+8, 2019-12-11 10:53 , Processed in 0.886208 second(s), 20 queries , Gzip On.

Powered by www.fungmoon.net X3.2

© 2001-2015 fungmoon Inc. Templated By Fungmoon

快速回復 返回頂部 返回列表